ہیٹ ویو کا خدشہ، سندھ بھر میں انٹرمیڈیٹ کے امتحانات ملتوی

ملک بھر میں موجود گرمی کی شدید لہر کے باعث معمولات زندگی شدید متاثر ہورہے ہیں، جبکہ ہیٹ ویو کے پیش نظر کراچی سمیت  سندھ بھر میں انٹرمیڈیٹ کے امتحانات ملتوی کردیئے گئے ہیں۔

ترجمان وزیر اعلیٰ سندھ کا اس حوالے سے کہنا ہے کہ وزیراعلی سندھ مراد علی شاہ نے وزیر جامعات و بورڈز محمد علی ملکانی کی سفارش پر  انٹرمیڈیٹ کے امتحانات ملتوی کرنیکی منظوری دے دی ہے۔

 ترجمان کے مطابق انٹر کے امتحانات 22 مئی کے بجائے اب 27 مئی سے شروع ہوں گے۔

یونیورسٹیز اینڈ بورڈ نے امتحانات کی تاریخ تبدیل کرنیکا نوٹیفکیشن جاری کردیا۔

واضح رہے کہ شدید گرمی کے پیش نظرمحکمہ موسمیات کی جانب سے ہیٹ ویو الرٹ بھی جاری کیا گیا ہے۔