کارساز حادثہ، نتاشہ دانش آئس نشے کی عادی نکلی، مقدمہ درج

ایک حالیہ پیش رفت میں کارساز روڈ حادثے میں دو افراد کی ہلاکت میں ملوث مرکزی ملزمہ نتاشا دانش اقبال کے خلاف منشیات کے استعمال کا ایک اور مقدمہ درج کیا گیا ہے۔

 ملزم کے پیشاب کے نمونوں میں ممنوعہ ادویات کی موجودگی کی تصدیق کے بعد تھانہ بہادر آباد میں تفتیشی افسر کی مدعیت میں مقدمہ درج کیا گیا۔

 اس سے قبل 28 اگست کو ملزمہ کی میڈیکل رپورٹ میں اس کے جسم میں میتھمفیٹامائن جسے عرف عام میں ’’آئس‘‘ کہا جاتا ہے کی موجودگی کا انکشاف ہوا تھا۔

اب پولیس رپورٹ میں بھی تصدیق کردی گئی ہے کہ نتاشہ آئس استعمال کرتی ہے۔

 حادثے کے بعد نتاشا پر قتل اور اقدام قتل کی دفعات کے تحت مقدمہ درج کیا گیا تھا۔