ٹینک سے خاتون اور 2 بچیوں کی لاشیں ملنے کا واقعہ، اصل کہانی سامنے آگئی

کراچی: بختاور گوٹھ میں گھر کے ٹینک سے خاتون اور 2 بچیوں کی لاشیں ملنے کے واقعے کی اصل کہانی گھر میں موجود تیسری بچی نے بتادی۔

تفصیلات کے مطابق کراچی کے علاقے بختاور گوٹھ میں گھرکے ٹینک سے خاتون اور 2 بچیوں کی لاشیں ملنے کے واقعے کی تحقیقات جاری ہے۔

گھرمیں موجودخاتون کی تیسری بچی کابیان قلمبندکرلیاگیا، بچی نے ابتدائی بیان میں بتایاکہ خاتون کاذہنی توازن درست نہیں تھا، خاتون نے ایک کے بعدایک دونوں بچیوں کوٹینک میں پھینکا اور بچیوں کوٹینک میں پھینکنے کے بعدبچانے کیلئے خاتون نے چھلانگ لگادی۔

پولیس کا کہنا ہے کہ خاتون کے شوہرسے مزید تفتیش جاری ہے۔یاد رہے کراچی میں ایک گھر کے ٹینک میں ماں اور دو بچیاں ڈوب کر جاں بحق ہوگئیں تھیں ۔

 ریسکیو اہلکار نے بتایا تھا کہ پہلے ایک بچی ٹینک میں گری، بچی کو بچانے کیلئے ماں ٹینک کے اندر گئی، ماں کو دیکھ کر دوسری بچی بھی ٹینک کے قریب گئی اور اندر گر گئی۔ریسکیو اہلکار کا کہنا تھا کہ جاں بحق بچیوں کی عمریں 3 اور 5 سال جبکہ ماں کی عمر 35 سال ہے۔