ایک جیسےٹکٹ والے 2امریکی شہریوں نے 10 لاکھ ڈالر والی لاٹری جیت لی

امریکی ریاست میسا چیوسیٹس میں 1ملین ڈالر لاٹری جینتے والے دو امیدواروں نے لاٹری ہیڈکوارٹر پہنچ کر سب کو حیران کردیا۔

میسا چوسیٹس لاٹری ہیڈ کوارٹر کے مطابق 5 ملین ڈالر لاٹری میں شامل جیتنے والے دو افراد آدھے گھنٹے کی تاخیر سے پہنچے اور ایک ہی لاٹری میں ایک جیسے اسکریچ  کارڈزسے دس دس لاکھ ڈالرکا انعام حاصل کیا۔

میساچوسیٹس اسٹیٹ لاٹری کے مطابق شیفیلڈ سے تعلق رکھنے والے جوناتھن سیورڈ نے دس لاکھ ڈالر کا انعام وصول کیا جبکہ 25 منٹ بعد ہی ویسے ہی ایک ٹکٹ کے حامل شخص لارنس ٹرائے انعام کے لیے ہیڈ کوارٹرز پہنچے۔

رپورٹ کے مطابق جوناتھن نے اپنا ٹکٹ شیفلڈ میں سلکس ویرائٹی سےجبکہ لارنس ٹرائے نے اپنا ٹکٹ مینزفیلڈ میں قائم 7-الیون سے خریدا۔

جوناتھن سیورڈ کا ذرائع ابلاغ سے گفتگو کرتے ہوئے کہنا تھا کہ وہ انعام کی کچھ رقم اپنے کاروبار میں لگائیں گے۔

جبکہ لارنس ٹرائے کا کہنا تھا کہ انہوں نے انعامی رقم کے متعلق فی الحال کوئی منصوبہ نہیں بنایا ہے۔