ملک میں سونے کی فی تولہ قیمت میں آج پھر بڑا اضافہ

کراچی : آج کاروباری روز کے دوران ملک میں سونے کی فی تولہ قیمت میں مزید اضافہ ہوگیا۔

ذرائع کے مطابق آل پاکستان جیمز اینڈ جیولرز ایسوسی ایشن کا اس حوالے سے کہنا ہے کہ ملک میں آج سونے کی فی تولہ قیمت میں 1300 روپے کا اضافہ ہوا ہے۔

اس اضافے کے بعد آج سونے کی فی تولہ قیمت 2 لاکھ 78 ہزار 300 روپے ہے۔

واضح رہے کہ گزشتہ روز سونے کی فی تولہ قیمت ایک ہزار روپے اضافے کے بعد 2 لاکھ 77 ہزار روپے تھی۔

ملک میں 10 گرام سونے کی قیمت بھی 1114 روپے اضافے سے 2 لاکھ 38 ہزار 597 روپے ہے۔عالمی بازار میں سونے کی قیمت 13 ڈالر اضافے سے 2665 ڈالر فی اونس ہے۔