پیٹرول کی قیمت میں 13 روپے سے زائد کا اضافہ

نگراں حکومت نے آئندہ 15 روز کیلیے پیٹرول کی فی لیٹر قیمت میں 13 روپے سے زائد اضافہ کردیا۔

وزارت خزانہ کی جانب سے جاری ہونے والی رپورٹ کے مطابق پیٹرول کی فی لیٹر قیمت میں 13 روپے 55 پیسے کا اضافہ کردیا، جس کے بعد قیمت 272 روپے 89 پیسے ہوجائے گی۔

اسی طرح حکومت نے آئندہ پندرہ روز کیلیے ہائی اسپیڈ ڈیزل کی فی لیٹر قیمت میں 2 روپے 75 پیسے کا اضافہ کیا ہے، جس کے بعد قیمت 278 روپے 96 پیسے تک پہنچ جائے گی۔

وزارت خزانہ کے مطابق نئی قیمتوں کا اطلاق یکم فروری کی رات بارہ بجے سے 15 فروری تک ہوگا۔