سونے کی عالمی اور مقامی مارکیٹوں میں قیمت مزید کم ہو گئی

 کراچی :  آج کاروباری روز کے دوران سونے کی عالمی اور مقامی مارکیٹوں میں قیمت کم ہو گئی۔

بین الاقوامی بلین مارکیٹ میں فی اونس سونے کی قیمت میں 6ڈالر کی کمی آ گئی، جس کے بعد نئی عالمی قیمت 2647ڈالر ہو گئی۔

دوسری جانب پاکستان میں 24 قیراط کے حامل سونے کی فی تولہ قیمت میں 600 روپے کی کمی ہوئی، جس کے بعد نئی قیمت 2 لاکھ 74 ہزار 900 روپے فی تولہ کی سطح پر آ گئی۔

 اسی طرح ملک میں فی 10 گرام سونے کی قیمت 515روپے گھٹ کر 235682روپے ہوگئی۔