سونے کی قیمت میں ڈھائی ہزار روپے کی کمی

عالمی اور مقامی صرافہ مارکیٹ میں سونے کی قیمت میں کمی ریکارڈ کی گئی ہے۔

تفصیلات کے مطابق بین الاقوامی بلین مارکیٹ میں ٹریڈنگ کے دوران فی اونس سونے کی قیمت 25ڈالر کی کمی سے 2752ڈالر کی سطح پر آگئیں۔

عالمی مارکیٹ میں کمی کے باعث مقامی صرافہ مارکیٹوں میں بھی جمعہ کو 24 قیراط کے حامل فی تولہ سونے کی قیمت 2500 روپے کی کمی سے 284700روپے کی سطح پر آگئی۔

اسی طرح فی دس گرام سونے کی قیمت بھی 2144روپے کی کمی سے 244084روپے کی سطح پر آگئی۔

دوسری جانب مقامی سطح پر چاندی کی فی تولہ قیمت 20روپے کی کمی سے 3430روپے اور 10گرام چاندی کی قیمت 17.14روپے کی کمی سے 2940.67روپے کی سطح پر آگئی۔