تعمیراتی شعبے کیلئے خوشخبری، سیمنٹ کی قیمت میں بڑی کمی

کراچی: پاکستان میں تعمیراتی شعبے سے وابستہ افراد کے لیے اچھی خبر ہے کیونکہ اکتوبر 2024 میں سیمنٹ کی قیمتوں میں معمولی کمی دیکھنے میں آئی ہے۔

اس وقت فی بوری قیمت 1400 سے 1450 روپے کے درمیان ہے۔لاہور سمیت پنجاب کے دیگر بڑے شہروں میں سیمنٹ کی قیمتیں ملک کے دیگر میٹروپولیٹن شہروں کے مقابلے میں زیادہ دیکھی گئی ہیں۔

قیمتوں میں یہ کمی تعمیراتی مواد کی لاگت میں اتار چڑھا کے باوجود صارفین اور بلڈرز کے لیے کچھ ریلیف فراہم کر سکتی ہے۔پاکستان میں مختلف سیمنٹ برانڈز کی موجودہ قیمتوں سے مقابلہ جاتی مارکیٹ کا اندازہ ہوتا ہے۔

 ڈی جی خان سیمنٹ اور عسکری سیمنٹ کی قیمت 1450 سے 1460 روپے فی بوری ہے، جب کہ میپل لیف، بیسٹ وے، فوجی، اور لکی سیمنٹ 1450 روپے فی بوری میں دستیاب ہیں۔

پائنیر سیمنٹ کی قیمت ڈی جی خان اور عسکری سیمنٹ کے برابر ہے جو کہ 1460 روپے فی بوری ہے۔ فلائنگ پاکستان ایک زیادہ سستی آپشن پیش کرتا ہے، جس کی قیمتیں 1400 سے 1420 روپے تک ہیں۔