عمر شریف اور معین اختر کو روشناس کرانے والے پروڈیوسر فرقان حیدر چل بسے

ٹیکساس:معین اختر اور عمر شریف جیسے فنکاروں کو روشناس کرانے والے معروف پروڈیوسر فرقان حیدر فانی دنیا کو خیر باد کہہ گئے۔

ذرائع کے مطابق سید فرقان حیدر رضوی کے انتقال کی تصدیق اہل خانہ کی جانب سے کی گئی ہے۔

اہل خانہ کا اس حوالے سے کہنا ہے کہ سید فرقان حیدر رضوی گردوں کے عارضے میں مبتلا تھے، سید فرقان حیدر کی نماز جنازہ آج ڈیلاس کے مومن سینٹر میں ادا کی جائے گی۔

سید فرقان حیدر نے اسٹیج ڈراموں کی دنیا میں معین اختر اور عمر شریف جیسے فنکاروں کو روشناس کرایا، ان کے ڈرامے بکرا قسطوں پر، 'مصیبت در مصیبت'، اور 'بچا معین اختر' نے پاکستانی اسٹیج ڈراموں کو بلندیوں کے اعلیٰ مقام پر پہنچا دیا تھا۔