لاس اینجلس میں خوفناک آگ، آسکرز کی تقریب منسوخ ہونے کا امکان

نیو یارک: امریکی ریاست کیلیفورنیا کے شہر لاس اینجلس میں لگی تاریخ کی خوفناک ترین آگ کے سبب تاریخ میں 96 سالوں مین پہلی بار آسکرز ایوارڈ کی تقریب منسوخ ہونے کا خدشہ ہے۔  

رپورٹس کے مطابق لاس اینجلس کی صورت حال کو مد نظر  رکھتے ہوئے برٹش اکیڈمی آف فلم اینڈ ٹی وی آرٹس ٹی پارٹی، اے ایف آئی ایوارڈز لنچ اور کریٹکس چوائس ایوارڈز سمیت کئی دیگر تقاریب  بھی ملتوی کر دی گئی ہیں۔

میڈیا رپورٹ کے مطابق آسکر ایوارڈ کی تقریب رواں برس 2 مارچ کو شیڈول ہے تاہم موجودہ صورتحال کے پیش نظر تقریب منسوخ کی جاسکتی ہے، منسوخی  کا فیصلہ ہالی ووڈ اسٹار ٹام ہینکس، ایما اسٹون، میریل اسٹریپ، اور اسٹیون اسپیلبرگ کی زیر قیادت کمیٹی صورت حال کا تعین کرنے کے بعد کرے گی۔

رواں ماہ کے آغاز میں لاس اینجلس کے جنگلات میں لگی آگ کے سبب97 ویں اکیڈمی ایوارڈز آسکر کی نامزدگیاں ملتوی کردی گئی،  آسکرز کی نامزدگیوں کا  اعلان 19 جنوری کو کیا جائے گا۔

میڈیا رپورٹس کے مطابق تقریب منسوخی کے حوالے سے  ذرائع نے دعوی کا کہنا ہے کہ بورڈ کو تشویش ہے کہ ایک ایسے وقت میں جب بہت سے لوگ دکھی دلوں اور ناقابل تلافی نقصان سے نمٹ رہے ہوں جشن منانا مناسب نہیں۔

واضح رہے کہ امریکی ریاست کیلیفورنیا کے شہر لاس اینجلس کے جنگلات میں لگی آگ سے معروف شوبز شخصیات کے گھر بھی تباہ ہوگئے ہیں۔