پاکستانی اداکارہ نرگس پر شوہر کا مبینہ تشدد

پاکستان کی معروف اداکارہ نرگس پر شوہر کی جانب سے مبینہ طور پر تشدد کا واقعہ پیش آیا ہے۔

ذرائع کے مطابق لاہور سے تعلق رکھنے والی سابقہ اداکارہ اور مشہور اسٹیج آرٹسٹ غزالہ ادریس عرف نرگس شوہر کے مبینہ تشدد کا شکار ہوئی ہیں۔

اداکارہ کے بھائی خرم نے 15 پر کال کرکے پولیس کو اطلاع کر دی جس پر ڈیفنس پولیس نے موقع پر پہنچ کر کارروائی شروع کردی ہے۔

نرگس کے بھائی کے مطابق ان کی بہن پر بری طرح تشدد کیا گیا ہے، ان کے شوہر کیخلاف کارروائی کی جائے، اداکارہ کے بھائی خرم نے اپنے بہنوئی پر الزام عائد کیا ہے کہ انسپکٹر ماجد بشیر روزانہ میری بہن پر تشدد کرتا ہے۔

یاد رہے کہ اداکارہ نرگس نے چند سال پہلے ماجد بشیر سے شادی کی تھی، اداکارہ شوبز چھوڑنے کے بعد سے ایک بیوٹی سیلون چلا رہی ہیں۔