پانڈیا سے طلاق کے بعد نتاشا کی شوبز کی دنیا میں انٹری، تصویر وائرل

بھارت کے اسٹار آل رائونڈر ہاردک پانڈیا سے طلاق کے بعد سربیئن ماڈل و اداکارہ نتاشا  اسٹینکوویچ نے شوبز کی دنیا میں انٹری دے دی۔

ہاردک اور نتاشا نے رواں برس 18 جولائی کو انسٹاگرام پر اپنی علیحدگی کی تصدیق کی تھی۔

انسٹاگرام پوسٹ میں ان دونوں کا کہنا تھا کہ چار سال ساتھ رہنے کے بعد ان دونوں نے علیحدگی اختیار کرنے کا فیصلہ کیا ہے، دونوں نے مل کر اپنے رشتے کو نبھانے کی پوری کوشش کی، یقین ہے کہ علیحدگی کا فیصلہ دونوں کے بہترین مفاد میں ہے۔

نتاشا نے پانڈیا سے طلاق کے بعد بھارت بھی چھوڑ دیا تھا لیکن اب کچھ روز قبل ان کی بھارت واپسی ہوئی ہے۔

نتاشا نے اب اپنی توجہ کیریئر پر مرکوز کرلی ہے اور وہ مختلف پراجیکٹس کی شوٹنگ میں مصروف ہیں جن میں میوزک ویڈیوز سمیت آئٹم نمبرز بھی شامل ہیں۔

نتاشا نے گزشتہ روز اپنے آفیشل انسٹاگرام ہینڈل پر اپنے نئے پراجیکٹ کا اعلان کیا، انہوں نے گلوکار پریت اندر کے ساتھ اپنی نئی آنے والی میوزک ویڈیو تیرے کرکے کا پوسٹر شیئر کیا۔

ماڈل و اداکارہ نے اپنی پوسٹ میں بتایا کہ اس گانے کا ٹیزر 6 اکتوبر اتوار کے روز یوٹیوب پر لانچ کیا جائے گا۔