زمبابوے کیخلاف دوسرے ٹی ٹوئنٹی کیلئے قومی اسکواڈ کا اعلان

زمبابوے کے خلاف 3 ٹی ٹوئنٹی میچز کی سیریز کے دوسرے میچ کیلئے پاکستان ٹیم کا اعلان کر دیا گیا۔

پاکستان ٹیم میں دوسرے ٹی ٹوئنٹی کے لیے کوئی تبدیلی نہیں کی گئی۔ پہلے میچ میں شامل کھلاڑی ہی دوسرا میچ کھیلیں گے۔

قومی ٹیم میں کپتان سلمان آغا ، صائم ایوب ، عمیربن یوسف ، عثمان خان ، طیب طاہر ،عرفان خان ، جہانداد خان ، عباس آفریدی ، حارث رئوف ، ابرار احمد اور سفیان مقیم شامل ہیں۔

یاد رہے کہ اتوار کو پاکستان نے پہلے ٹی ٹوئنٹی میچ میں میزبان زمبابوے کو 57 رنز سے شکست دی تھی۔

سیریز کا دوسرا میچ کل کھیلا جائے گا۔ قومی ٹیم کو3 میچز کی سیریز میں ایک صفر کی برتری حاصل ہے۔