عمران خان اور پی ٹی آئی کو الیکشن میں فتح مل گئی تو دوبارہ عمرے پر جاؤں گی، راکھی ساؤنت

بھارتی رئیلٹی ٹی وی شو  کی شخصی اور اداکارہ ت راکھی ساونت نے پاکستان تحریک انصاف (پی ٹی آئی) کے بانی عمران خان کی حمایت کرتے ہوئے کہا کہ وہ جیل سے رہائی پر مبارکباد دینے کے لیے پاکستان آئیں گی اور اگروہ الیکشن جیت گئے تو عمرہ ادا کرنے بھی جائیں گی۔

راکھی ساؤنت نے دبی میں اپنے نئے گانے کی تعارفی تقریب کے موقع پر میڈیا سے گفتگو میں عمران خان کی حمایت کی اور کہاکہ عمران خان کو الیکشن میں ہارتے ہوئے دیکھ کر حیران رہ گئی، ایسا لگتا ہے کہ عمران خان اور اُن کی پارٹی کے بارے میں ہر پاکستانی بات کررہا ہے۔

راکھی نے مزید کہا کہ ایک بے قصور آدمی کو جیل کی سلاخوں کے پیچھے ڈالنے پر مجھے بہت افسوس ہے، یہاں اُن کا اشارہ عمران خان کی مختلف مقدمات میں اڈیالہ جیل میں قید کی طرف تھا۔

View this post on Instagram

A post shared by Faizan Haider 📸 (@portraitsbyfaizan)

اداکارہ نے پیش گوئی کی کہ عمران خان تمام مشکلات پر قابو پاکر فتح حاصل کریں گے، اگر پی ٹی آئی کو الیکشن میں فتح ملتی ہے تو وہ دوبارہ عمرہ ادا کرنے جائیں گی۔ 

راکھی ساونت نے اپنا نیا گانا "ڈرامہ کوئین" پی ٹی آئی کے بانی کو وقف کرتے ہوئے کہا، "جب سے پی ٹی آئی نے کافی تعداد میں ووٹ حاصل کیے ہیں تب سے بہت ڈرامہ ہو رہا ہے۔"