بگ باس میں شریک اداکارہ کے ساتھ دوست کی زیادتی، مقدمہ درج

نئی دہلی: بالی ووڈ کے دبنگ خان کی میزبانی میں نشر ہونے والے ریلیئٹی شو بگ باس میں حصہ لینے والی اداکارہ کے ساتھ زیادتی کا انکشاف ہوا ہے۔

بگ باس کے گیارہویں سیزن میں حصہ لینے والی اداکارہ نے نئی دہلی پولیس اسٹیشن میں مقدمہ درج کرایا اور مؤقف اختیار کیا ہے کہ اُن کے دوست نے گھر میں پارٹی کا انعقاد کیا، اس دوران نشہ آور چیز مشروب میں ملا کر دی اور پھر زیادتی کا نشانہ بنایا۔

بھارتی میڈیا رپورٹ کے مطابق اداکارہ کی جانب سے واقعے کا مقدمہ 31 جنوری کو درج کرایا گیا جس میں انہوں نے یہ بھی بتایا کہ واقعہ ایک سال قبل پیش آیا تھا۔

اس حوالے سے پولیس نے اداکارہ اور ملزم کا نام تو ظاہر نہیں کیا تاہم دہلی پولیس نے ایف آئی آر کے اندراج کے بعد تفتیش کا آغاز اور ملزم کی گرفتاری کیلیے کوششیں شروع کردی ہیں۔