اداکارہ میرا کے گھر چوری، ڈرائیور 1 کروڑ مالیت کا قیمتی ہار اور گھڑی لے اڑا

پاکستانی اداکارہ میرا کا ڈرائیور گھر سے ہیرے سے بنا قیمتی ہار چرا کر لے گیا۔

تفصیلات کے مطابق پاکستانی فلم انڈسٹری کی اداکار میرا جی نئی مصیبت میں اُس وقت آئیں جب اُن کے گھر کا ڈرائیور ڈائمنڈ کا ہار اور قیمتی گھڑی اپنے ساتھ لے اڑا۔

اداکارہ نے ڈیفنس اے تھانے میں اپنی مدعیت میں مقدمہ درج کرایا، جس میں مؤقف اختیار کیا کہ ڈرائیور قاسم نے گھر سے 80 لاکھ روپے مالیت کا ہیرے کا ہار اور بیس لاکھ روپے مالیت کی گھڑی چوری کرلی۔

اداکارہ میرا کے مطابق چوری کی گئی گھڑی میں بھی ہیرے جڑے ہوئے تھے، چوری کی واردات کے وقت میں گھر پر موجود نہیں تھی۔

پولیس نے مقدمہ درج کرنے کے بعد ملزم کی گرفتاری کےلیے چھاپے مارنے شروع کردیے۔