"جوڑی اچھی لگ رہی ہے، ہمیشہ پرسکون رہو"

قومی کرکٹ ٹیم کے سابق کپتان اور اداکارہ ثنا جاوید کے شادی کے بعد شوبز ستاروں اور دیگر شخصیات نے انہیں مبارک باد دی ہے۔

شعیب ملک اور ثنا جاوید کے اعلان کے بعد پاکستانی مداح حیران اور بھارتی مداح شدید نالاں ہیں اور وہ شدید تنقید بھی کررہے ہیں۔

دونوں کی شادی کی تصدیق کے بعد معروف اداکار اور پروگرام اینکر فہد مصطفیٰ نے شعیب ملک اور ثنا جاوید کو مبارک باد دی اور لکھا کہ صرف خوشیوں کی اہمیت ہے، تم دونوں کو یہ خوشی بہت بہت مبارک ہو۔

شائسہ لودھی نے بھی دونوں کو مبارک باد دی اور دعائیں بھی دیں۔ لکھا کہ آپ دونوں کی جوڑی بہت خوبصورت ہے۔

اداکار احسن خان نے مبارک باد دیتے ہوئے دعا لکھی کہ ہمیشہ سکون میں رہو۔

اس کے علاوہ دیگر اداکاروں غنا علی، کنزہ ہاشمی، صبا فیصل، منال خان نے بھی جوڑی کو مبارک باد دی ہے۔