معروف گلوکار ارجیت سنگھ کے حوالے سے ’تشویشناک‘ خبر

معروف بالی ووڈ سنگر ارجیت سنگھ نے اپنے ایک ویڈیو پیغام میں پروگرام منسوخ ہونے پر مداحوں سے معذرت کی اور اپنی طبیعت کی خرابی سے آگاہ کیا ہے۔

ویڈیو میں دیکھا جاسکتا ہے کہ اُن کی آواز بالکل نہیں نکل رہی جبکہ گلوکار خود بتار ہے ہیں کہ اُن کا گلا تباہ ہوگیا اور ڈاکٹرز نے مکمل آرام کا مشورہ دیا ہے۔

ارجیت سنگھ کے حوالے سے بھارتی میڈیا کا کہنا ہے کہ طبیعت ناسازی کے باعث وہ آرام کررہے ہیں اور ان دنوں منظر عام سے غائب ہیں تاہم طبیعت کی نوعیت کے حوالے سے کوئی بات سامنے نہیں آئی۔ 

مداحوں نے ویڈیو سامنے آنے اور ارجیت کی حالت پر انتہائی تشویش کا اظہار کرتے ہوئے ارجیت کی جلد صحت یابی کیلیے دعا کی اور نیک خواہشات کا اظہار بھی کیا ہے۔