ماہرہ خان کے پاؤں میں تین جگہ سے فریکچر

پاکستانی اداکارہ ماہرہ خان نے بتایا ہے کہ حال ہی میں ان کے ساتھ حادثہ پیش آیا تھا جس میں ان کے سیدھے پاؤں کی ہڈی تین جگہ سے فریکچر ہوگئی تھی۔

واضح رہے کہ ماہرہ خان اپنی شادی کے بعد اسٹک کے سہارے چلتی یا کھڑی ہورہی تھیں جس کی تصویر سامنے آنے پر مداح تشویش میں مبتلا ہوگئے تھے۔

اس کے علاوہ چند روز میں ہی ماہرہ کی وہیل چیئر پر سفر کی تصاویر اور ویڈیوز بھی سامنے آرہی ہیں۔

ماہرہ نے اپنے ساتھ پیش آئے واقعے کے حوالے سے بتایا کہ ایک شوٹ کے دوران یہ سب ہوا جس کے بعد وہ شدید درد میں مبتلا رہیں اس کے باوجود انہوں نے ٹیم اور اچھے کریئو کی مدد سے اپنا پروجیکٹ مکمل کیا۔