پاکستانی خواتین کو لازمی ووٹ ڈالنا چاہئے،فلم اسٹار میرا

سوشل میڈیا سائٹ ایکس پر اداکارہ میرا نے ویڈیو پیغام کہا کہ میں اپنی فیملی کے ساتھ نیویارک میں ہوں اور یہاں  سب 8 فروری کو پاکستان میں ہونے الیکشن کے حوالے سے گفتگو کررہے ہیں۔

میرا نے کہا کہ میں اپنے والد صاحب کے ساتھ یہی گفتگو کررہی تھی کہ پاکستانی خواتین کو لازمی ووٹ ڈالنا چاہیے کیونکہ معاشرے کی تبدیلی میں خواتین کا کردار بہت اہم ہوتا ہے۔

اداکارہ نے پاکستانی خواتین سے اپیل کرتے ہوئے کہا کہ آپ اپنی فیملیز کے ہمراہ 8 فروری کو لازمی ووٹ ڈالیں، اپنے پسندیدہ لیڈر کو ووٹ دیں اور اپنے حق کا استعمال کریں۔

فلم اسٹار نے مزید کہا کہ اپنی صحت کا خیال رکھیں، اپنے مستقبل اور پاکستان کا بھی خیال رکھیں۔

اُنہوں نے کہا کہ ووٹ ڈالنا آپ کا حق ہے، آپ ہی اپنے ووٹ کے ذریعے پاکستان اور اپنا مستقبل تبدیل کرسکتی ہیں لہٰذا میری اپیل ہے کہ آپ لازمی ووٹ ڈالیں۔

میرا نے نیویارک کے موسم سے متعلق کہا کہ یہاں موسم بہت زبردست ہے، میرے گھر میں خواتین کھانا پکا رہی ہیں جبکہ میرے والد صاحب جامن کھا رہے ہیں کیونکہ وہ شوگر کے مریض ہیں۔