پاکستانی لڑکے مر گئے جو ہانیہ عامر ہاتھی نما آدمی سے عشق کررہی ہے؟ بھارتی اداکار کا سوال

بالی ووڈ اداکار اور فلمی نقاد کمال راشد خان (کے آر کے) نے اداکارہ ہانیہ عامر کو بھارتی گلوکار بادشاہ کے ساتھ تعلقات بڑھانے پر شدید تنقید کا نشانہ بنایا۔

اپنے ویڈیو بیان میں انہوں نے بادشاہ خان کو ’ہاتھی نما آدمی‘ قرار دیتے ہوئے ہانیہ عامر سے سوال کیا کہ انہیں کوئی اور نہیں ملا؟ انہوں نے یہ بھی انکشاف کیا کہ بادشاہ کے سر پر ہانیہ عامر کے عشق کا بھوت سوار ہوگیا ہے۔

کے آر کے کا کہنا تھا کہ ’بادشاہ خان ہانیہ سے ملنے کبھی دبئی جاتا ہے تو کبھی ویڈیو کال پر بات کرتا ہے اور وہ ساری باتیں سوشل میڈیا پر بھی شیئر کرتا ہے۔

اُنہوں نے ہانیہ عامر سے سوال کیا کہ ’’آپ کو عشق کرنے کے لیے اس ہاتھی نما آدمی کے علاوہ کوئی اور نہیں ملا؟ کیا پاکستان میں لڑکے مرگئے ہیں جو آپ اس ہاتھی نما آدمی سے عشق کررہی ہیں؟‘‘

کمال راشد خان نے مزید کہا کہ ’’ہانیہ عامر جی! کچھ تو خیال کریں، کچھ تو خوف کریں، یہ بادشاہ حد سے زیادہ کھاتا ہے اور یہ ٹھیک سے چل بھی نہیں سکتا‘‘۔