وینا ملک کی اجنبی کے ساتھ تصاویر وائرل

پاکستانی اداکارہ وینا ملک کی ایک اجنبی لڑکے کے ساتھ رومانوی انداز میں تصاویر وائرل ہورہی ہیں۔

اداکارہ وینا ملک کی تصاویر میں نوجوان کے ساتھ قربت بہت گہری اور رومانوی نظر آرہی ہے جس کی بنیاد پر صارفین قیاس آرائیاں کررہے ہیں۔

اُن کا خیال ہے کہ یہ لڑکا شہریار چوہدری کا جس کا تذکرہ چند روز قبل وینا نے کیا اور بتایا تھا کہ وہ ایک لڑکے کی ہمسفر بننے جارہی ہیں۔

حال ہی میں وینا ملک کے ایک انٹرویو میں وینا نے کہا تھا کہ وہ شادی کرنے والی ہیں۔ انٹرویو میں وینا ملک نے اپنی پسند کے مرد کے بارے میں کچھ باتیں بھی کی ہیں۔

وینا ملک نے بتایا کہ وہ حسن پرست ہیں اور وہ شادی کے لیے دراز قد، خوبصورت اور مکمل شخصیت والا مرد چاہتی ہیں۔ انہوں نے شہریار چوہدری کے ساتھ اپنے تعلقات پر بھی بات کی اور بتایا کہ وہ اسلام آباد سے تعلق رکھتے ہیں اور ایک خوبصورت شخص ہیں۔

انہوں نے کہا کہ ان کے درمیان اچھے تعلقات اور دوستی ہے، لیکن تاحال شادی کا کوئی حتمی فیصلہ نہیں ہوا۔

سوشل میڈیا پر وینا ملک کی تصاویر وائرل ہونے کے بعد، لوگوں نے مختلف رائے دی ہیں۔ کچھ لوگوں نے وینا کو مبارکباد دی، جبکہ کچھ لوگوں نے ان پر تنقید بھی کی ہے۔

سوشل میڈیا صارفین کا کہنا ہے کہ ’’وینا ملک کو اپنی ذاتی زندگی گزارنے کا پورا حق ہے‘‘۔ ’’انھیں اپنی پسند کا شریک زندگی تلاش کرنے کا حق ہے‘‘۔ ’’وینا ملک کو سوشل میڈیا پر ٹرول کرنے کی کوئی ضرورت نہیں ہے‘‘۔