پی ٹی آئی کے شیخ وقاص اکرم ن لیگ میں شامل ہوگئے؟

سوشل میڈیا پر دعویٰ کیا جا رہا ہے کہ جھنگ سے پاکستان تحریک انصاف کے حمایت یافتہ نومنتخب رکن قومی اسمبلی نے مریم نواز سے ملاقات کے بعد پاکستان مسلم لیگ نواز میں شمولیت اختیار کرلی۔

یہ دعویٰ ایکس صارف چوہدری وقار یونس نے کیا اور انہوں نے شیخ وقاص اکرم کی مریم نواز کے ساتھ تصویر شیئر کی۔

دعوے کی حقیقت کیا ہے؟

جھنگ سے نومنتخب ایم این اے شیخ وقاص اکرم نے مسلم لیگ ن میں شمولیت کے دعوؤں کو مسترد کر دیا۔

انہوں نے سوشل میڈیا پلیٹ فارم ایکس پر اپنی پوسٹ میں کہا کہ ان کی ایڈٹ شدہ تصویر سوشل میڈیا پر شیئر کی جا رہی ہے جس میں دعویٰ کیا جا رہا ہے کہ وہ مسلم لیگ ن میں شامل ہو گئے ہیں۔

شیخ وقاص اکرم نے کہا کہ میں عمران خان کا کھلاڑی تھا اور رہوں گا۔