بچوں کو پولیو کے قطرے نہ پلوانے والے والدین کے شناختی کارڈ منسوخ کرنے کا فیصلہ

پولیو کے قطرے پلانے کی مہم کی افادیت کو بڑھانے کے لیے، خیبرپختونخوا کی حکومت نے بچوں کو پولیو کے قطرے پلانے سے انکار کرنے والے والدین کے قومی شناختی کارڈز کو منسوخ کرنے کا فیصلہ کیا ہے۔

صوبائی وزیر صحت قاسم علی شاہ نے ذمہ داریاں سنبھالنے کے بعد پہلا اعلامیہ یہ جاری کیا۔

سیکرٹری صحت محمود احمد وزیر نے شاہ کو صوبے میں جاری صحت، صحت کارڈ پلس پر جامع بریفنگ دی۔

بریفنگ کے دوران پولیو کا مسئلہ زیر بحث آیا، جس میں انہیں بتایا گیا کہ پاکستان اور افغانستان وہ واحد ممالک ہیں جہاں پولیو وائرس اب بھی فعال طور پر پھیل رہا ہے۔ ان خطوں میں وائرس کا برقرار رہنا عالمی سطح پر دوبارہ جنم لینے کا خطرہ بھی پیش کرتا ہے، جیسا کہ عالمی ادارہ صحت نے روشنی ڈالی ہے۔

صوبائی وزیر صحت نے پولیو کے قطرے پلانے پر زور دیتے ہوئے کہا کہ والدین اور پانچ سال سے کم عمر بچوں کے والدین کو اس بات پر قائل کیا جائے کہ وہ پولیو سے بچاؤ کے بچوں کو قطرے لازمی پلوائیں۔

انہوں نے سخت احکامات دیتے ہوئے کہا کہ جو والدین بچوں کو پولیو پلوانے سے انکار کریں اور تعاون نہ کریں تو اُن کے نام فراہم کیے جائیں جس کے بعد اُن کے شناختی کارڈ منسوخ کیے جائیں گے۔