کورونا کی خطرناک قسم پاکستان پہنچ گئی، کیسز کی تصدیق

محکمہ صحت نے کورونا وائرس کی نئی اور خطرناک قسم کے دو کیسز پاکستان میں رپورٹ ہونے کی تصدیق کردی۔

محکمہ صحت کے مطابق کورونا کے نئے ویریئنٹ جے این ون کے دو نئے کیسز گزشتہ روز رپورٹ ہوئے۔ جن لوگوں میں وائرس مثبت پایا گیا اُن کا تعلق بلوچستان کے علاقے کیچ اور سندھ کے دوسرے بڑے شہر حیدرآباد سے ہے۔

محکمہ صحت کے مطابق دونوں مسافر بیرون ملک سے کراچی ایئرپورٹ پہنچے تھے، ایک بینکاک جبکہ دوسرا ابو ظبی سے پاکستان واپس آیا تھا۔

دونوں مسافروں کے ٹیسٹ کی رپورٹ مثبت آنے کے بعد حکام نے انہیں گھر جانے کی اجازت دی اور سختی سے گھروں میں ہی قرنطینہ کی ہدایت کردی۔