کورونا نے ایک بار پھر امریکا کو ہلا کر رکھ دیا

امریکا میں کورونا کے مریضوں کی تعداد میں دوبارہ تیزی سے اضافہ ہو رہا ہے اور اس نئی لہر نے مختلف ریاستوں کو کرسمس میں عوامی تقریبات کے پیش نظر پابندیوں سے متعلق غور کرنے پر مجبور کردیا ہے۔

امریکی میڈیا کے مطابق کورونا کی تازہ لہر کی سب سے زیادہ شکار ریاست کیلیفورنیا ہوئی ہے۔ دسمبرکے پہلے ہفتے میں 2 ہزار سے زائد کیسز رپورٹ ہوئے تھے جس میں مزید تیزی آگئی ہے۔

امریکی محکمہ صحت کا کہنا ہے کہ کیلی فورنیا میں کورونا کے نئے کیسز کی تعداد میں گزشتہ ماہ کے مقابلے میں 40 فیصد اضافہ ہوا ہے جب کہ فلو کے کیسز بھی بہت زیادہ اور ان کے علاؤہ ہیں۔