عامر خان سابقہ اہلیہ کرن راؤ کے ساتھ، اصل ماجرا کیا ہے؟

بھارتی فلم انڈسٹری کے معروف اداکار عامر خان نے اپنی سابقہ اہلیہ کرن راؤ کے ساتھ اپنی سالگرہ کی تقریب منائی۔

سوشل میڈیا پر وائرل ویڈیو میں دیکھاجاسکتا ہے لیجنڈ بھارتی اداکار  59 ویں سالگرہ کے موقع پر سابقہ اہلیہ کے ساتھ موجود ہیں۔

س موقع پر عامر خان کیک کاٹ کر اپنی سابق اہلیہ کرن راؤ کو کھلاتے ہیں جبکہ وہ عامر خان کو کیک کھلا کر خوشی کا اظہار کرتی ہیں۔

تقریب میں دونوں فنکاروں کے قریبی دوست، صحافی اور فلم ’لاپتہ لیڈیز‘ کی کاسٹ بھی موجود تھی۔

کرن راؤ نے فلم ’لاپتہ لیڈیز‘ کو ہدایت کاری دی ہے جبکہ اس فلم کو عامر خان نے پروڈیوس کیا ہے، جبکہ دوسری جانب بطور پروڈیوسر عامر خان ’لاہور 1947‘ پر بھی کام میں مشغول ہیں۔