ڈیلیوری بوائے نے سبینہ فاروق کو اضافی رقم واپس کردی، اداکارہ نے کیا کہا؟

پاکستانی شوبز انڈسٹری کی معروف اداکارہ سبینہ فاروق نے حال ہی میں ایک ڈیلیوری بوائے کی ایمانداری کا واقعہ اپنے چاہنے والوں سے شیئر کیا۔

 سبینہ فاروق نے غلطی سے ڈیلیوری بوائے کو اضافی رقم دے دی تھی، جو اس نے ایمانداری سے واپس کردی۔

اپنے سوشل میڈیا پلیٹ فارم انسٹا گرام پر اداکارہ نے ڈیلیوری بوائے کی دیانتداری اور اپنے کام کے لگن کی تعریف کی۔

 انہوں نے بتایا کہ کسی طرح اضافی رقم رکھنے کا موقع ہونے کے باوجود ڈیلیوری بوائے نے انہیں رقم واپس کرنے کی کوشش جس سے وہ بہت متاثر ہوئیں۔

معاملہ سامنے آنے کے بعد سوشل میڈیا پر صارفین کی جانب سے بھی  ڈیلیوری بوائے کی ایمانداری کو سراہا جارہا ہے۔