کالے جادو سے متعلق فیروز خان کا بڑا انکشاف

  کراچی: معروف پاکستانی اداکار فیروز خان نے حال ہی میں انکشاف کیا ہے کہ وہ کچھ عرصے تک کالے جادو کی زد میں رہے۔

انہوں نے فوٹو اور ویڈیو شیئرنگ پلیٹ فارم انسٹاگرام پر مختلف اسٹوریز کے ذریعے اپنے تجربات شیئر کیے۔

فیروز خان نے بتایا کہ وہ اللہ کے کرم اور رسول اللہ ۖ کی رحمت سے کالے جادو کے اثر سے باہر نکلنے میں کامیاب ہوئے۔

انہوں نے انکشاف کیا کہ انہوں نے پہلے صرف دوسروں سے اس بارے میں سنا تھا مگر حال ہی میں خود ان علامات کا سامنا کیا جن کا کالے جادو کے شکار افراد کو سامنا ہوتا ہے۔

فیروز نے مزید کہا کہ انہوں نے آوازیں سننے اور غیر مرئی مخلوق کی موجودگی جیسے تجربات کیے، جس نے ان کی زندگی پر برے اثرات ڈالے۔

انہوں نے بتایا کہ مختلف علما سے رجوع کرنے اور نماز، قرآنی رقیہ اور درود پاک کے ذریعے اس کا علاج کروایا۔

اداکار نے کہا کہ اس عمل کے دوران ان کا ایمان مزید مضبوط ہوا اور وہ اب ان شیطانی وسوسوں سے نکل چکے ہیں۔