کیا سوناکشی نے ظہیر سے شادی کے لئے اسلام قبول کرلیا ؟

بھارتی فلم انڈسٹری کی معروف اداکارہ سوناکشی سنہا نے حال ہی میں اپنی شادی کے حوالے سے ہونے والی قیاس آرائیوں اور افواہوں پر لب کشائی کرتے ہوئے اہم انکشاف کیا ہے۔

اداکارہ نے بتایا کہ ظہیر اقبال سے شادی کیلیے کہ انہیں ظہیر کے خاندان کی طرف سے کبھی بھی اسلام قبول کرنے کیلیے دبا ؤ نہیں ڈالا گیا۔

 ایک انٹرویو میں سوناکشی نے کہا کہ ان کے والد، مشہور اداکار شتروگھن سنہا، ان کی شادی کے حامی تھے، لیکن انہوں نے اپنے بھائیوں کی شادی میں عدم موجودگی پر تفصیلات نہیں بتائیں، انہوں نے یہ بھی واضح کیا کہ ان کیلیے مذہب کبھی مسئلہ نہیں رہا۔

ظہیر نے مجھ پر اپنا مذہب نہیں تھوپا، اور میں نے بھی ان پر اپنا مذہب نہیں تھوپا۔ یہ بات ہمارے درمیان زیرِ بحث تک نہیں آئی۔

سوناکشی نے کہا، ظہیر اور میں مذہب پر توجہ نہیں دے رہے تھے۔ ہم دو ایسے لوگ ہیں جو ایک دوسرے سے محبت کرتے ہیں اور ایک دوسرے سے شادی کرنا چاہتے تھے۔

انہوں نے مزید بتایا کہ وہ دونوں ایک دوسرے کی ثقافتوں کا احترام کرتے ہیں۔ ہم ایک دوسرے کی ثقافتوں کو سمجھتے اور سراہتے ہیں۔

ان کے گھر میں کچھ روایات ہیں، میرے گھر میں کچھ۔ وہ میری دیوالی پوجا میں حصہ لیتے ہیں، اور میں ان کے رسم و رواج میں۔ اور بس یہی اہم ہے۔

سوناکشی نے اسپیشل میرج ایکٹ کے بارے میں بھی بات کی، جو ان کی شادی کیلیے بہترین حل تھا۔ حالات کے پیش نظر، شادی کا بہترین طریقہ اسپیشل میرج ایکٹ تھا، جس کے تحت میں، ایک ہندو عورت کے طور پر اپنا مذہب تبدیل کرنے کی پابند نہیں تھی، اور وہ ایک مسلمان مرد کے طور پر، اپنے مذہب پر قائم رہ سکتے تھے۔ یہ اتنا ہی آسان تھا۔