لوگ میری غیر اخلاقی تصاویر کی تلاش میں رہتے ہیں، درفشاں سلیم

پاکستانی اداکارہ درفشاں سلیم  کا کہنا ہے کہ  ڈرامہ سیریل عشق مرشد کی کامیابی کے بعد سے لوگ سوشل میڈیا پرمیری غیراخلاقی تصاویر ڈھونڈتے رہتے ہیں۔

خوبرو اداکارہ درفشاں سلیم کے حالیہ انٹرویو کا مختصر ویڈیو کلپ سوشل میڈیا پر گردش کررہا ہے، جس پر سوشل میڈیا صارفین کی جانب سے ملے جلے رد عمل کا اظہار کیا جارہا ہے۔

اداکارہ کا کہنا تھا کہ مجھے بہت سے لوگوں نے کئی بار ایک ہی ویڈیو بھیجی اور جب میں نے اسے کھول کر دیکھا تو میں حیران رہ گئی۔

اداکارہ نے کہا کہ میں نے جو ویڈیو دیکھی اس میں تھا کہ ڈرامہ سیریل عشق مرشد کو بہت زیادہ سرچ کیا جارہا ہے اور اس ڈرامے کی ہیرین کے بارے میں سب سے زیادہ جو سرچ کیا جارہا ہے وہ ہے درِفشاں کی بولڈ تصاویر۔

اداکارہ نے کہا کہ مجھے ایسے مردوں کی ذہنیت پر افسوس ہوتا ہے کیونکہ ہمارے یہاں سب سے زیادہ مرد حضرات ہی انٹرنیٹ استعمال کرتے ہیں اور مرد ہی اداکارائوں کی بولڈ تصاویر کی تلاش میں رہتے ہیں۔