معروف بھارتی اداکار کی اہلیہ کا قبول اسلام

بھارتی فلم انڈسٹری کے معروف اداکارساحل خان کی اہلیہ میلنا الیگژنڈر دائرہ اسلام میں داخل ہوگئیں۔

سوشل میڈیا پر اہلیہ کے ساتھ تصویر شیئر کرتے ہوئے دبئی میں مقیم بھارتی اداکار و ماڈل ساحل خان نے اعلان کیا ہے کہ ان کی اہلیہ اب مسلمان ہوچکی ہیں۔

معروف اداکار نے اہلیہ کے ہمراہ تصاویر شیئر کیں اور اللہ کا شکر ادا کیا ساتھ ہی خدا سے معافی مانگتے ہوئے دعا کی کہ وہ ان کی تمام عبادتیں اور دعائیں قبول کرے۔

ان کی اہلیہ کو اداکار کے مداحوں کی جانب سے اسلام قبول کرنے پر مبارکباد دینے کا سلسلہ جاری ہے۔

شیئر کی گئی تصاویر میں ساحل خان کی اہلیہ ملینا کے ساتھ ساتھ مداحوں کی توجہ ساحل کی کلائی پر بندھی مشہور برانڈ کی گھڑی پر بھی بنی رہی جو کہ انتہائی قیمتی اور لمیٹڈ ایڈیشن ہے ،گھڑی کی قیمت 4 کروڑ بھارتی روپے بتائی جارہی ہے۔