منال خان نے جلد شوبز میں واپسی کا عندیہ دے دیا

 لاہور: خوبرو پاکستانی اداکارہ منال خان نے جلد شوبز میں واپسی کا عندیہ دے دیا۔

حال میں ہی میں اداکارہ منال خان زارا نور عباس کے پروگرام میں شریک ہوئیں جہاں انہوں نے بیٹے کی پیدائش سے لے کر شوبز میں واپسی تک کے بارے میں کھل کر اظہار خیال کیا۔

پروگرام کے دوران شوبز میں واپسی سے متعلق بات کرتے ہوئے منال خان کا کہنا تھا کہ میں بھی خود سے یہ سوال کرتی ہوں کہ کیا میں ٹی وی پر واپسی کروں گی؟ اور ہمیشہ خود کو ہاں کہتی ہوں کیونکہ میں واقعی اسے حقیقت میں بدلنا چاہتی ہوں، ورنہ میں واپس نہیں آ سکوں گی۔

انہوں نے کہا کہ مجھے اداکاری کی کمی محسوس ہوتی ہے اور میں ضرور واپسی کروں گی لیکن فی الحال میرے بیٹے کو میری سب سے زیادہ ضرورت ہے۔

خیال رہے کہ منال خان 10 ستمبر 2021 کو ساتھی اداکار احسن محسن اکرام کیساتھ رشتہ ازدواج میں منسلک ہوئی تھیں اور گزشتہ سال نومبر میں ان کے ہاں بیٹے  محمد حسن اکرام کی پیدائش ہوئی تھی، شادی کے بعد سے اداکارہ شوبز کی دنیا سے دوری اختیار کیے ہوئے ہیں۔