ندا یاسر کا نیا ہیئر اسٹائل وائرل، صارفین کے دلچسپ تبصرے

کراچی: پاکستانی شوبز انڈسٹری کی نامورمیزبان و اداکارہ ندا یاسر اپنے نئے ہیئر اسٹائل کی وجہ سے سوشل میڈیا پر خصوصی توجہ کا مرکز بنی ہوئی ہیں۔

ندا یاسر کی نئے ہیئر اسٹائل کے ساتھ تصاویر سوشل میڈیا پر وائرل ہیں اور صارفین کی جانب سے ان پر دلچسپ تبصرے بھی کیے جا رہے ہیں۔

کچھ سوشل میڈیا صارفین نے کہا کہ ندا یاسر کا یہ نیا ہیئر اسٹائل مشہور ڈرامہ سیریل معمہ میں صبا قمر کے ہیئر اسٹائل سے بہت ملتا جلتا ہے۔

کچھ سوشل میڈیا صارفین ان کے اس نئے ہیئر اسٹائل کا مذاق اڑاتے ہوئے ہارر فلم کے خوفناک کردار سے تشبیہ دی۔ ایک اور صارف نے لکھا ہے کہ ندا یاسر نے اپنے ساتھ کیا کیا ہے؟ یہ نیا اسٹائل ان پر بالکل اچھا نہیں لگ رہا۔