نیلم منیر کے شوہر سے متعلق اہم انکشاف، دیور نے راز فاش کردیا

پاکستان شوبز انڈسٹری کی معروف اداکارہ نیلم منیر کی دبئی میں شادی کی تصاویر سال نو کے آغاز پر سوشل میڈیا پر وائرل ہوئیں، اور اب ان کے شوہر کے بارے میں حیران کُن انکشاف ہوا ہے۔

نجی میڈیا سے گفتگو کرتے ہوئے نیلم کے دیور ثمر رانجھا نے بتایا کہ ان کے بھائی محمد راشد کا تعلق میانوالی، پاکستان سے ہے اور وہ 2006 سے دبئی میں مقیم ہیں۔ وہاں ان کا ٹریول اینڈ ٹورازم کا بزنس اور 3 سے 4 ریسٹورنٹس ہیں۔

ثمر کا کہنا تھا کہ بھائی اور نیلم کی پہلی ملاقات دبئی کے ایک ریسٹورنٹ میں ہوئی۔ پھر اسنیپ چیٹ پر بات چیت کا سلسلہ شروع ہوا اور دونوں میں محبت ہوگئی۔ اس کے بعد دونوں نے شادی کا فیصلہ کیا۔

انہوں نے بتایا کہ دونوں کی شادی اور ولیمہ دبئی میں ہوا، جس میں صرف قریبی رشتہ دار شریک ہوئے۔ ثمر کا کہنا تھا کہ نیلم نے مجھے سلامی میں گولڈ کی چین اور موبائل گفٹ کیا، جبکہ میں نے انہیں 8 سے 9 لاکھ روپے کا بریسلیٹ دیا۔ پاکستان واپسی پر میانوالی میں بھی ولیمہ منعقد ہوگا۔

یاد رہے کہ یوٹیوبر یاسر شامی نے اس سے قبل انکشاف کیا تھا کہ نیلم منیر کے شوہر دبئی پولیس کے سی آئی ڈی ڈپارٹمنٹ میں کام کرتے ہیں، جہاں ان کی تنخواہ تجربے کے حساب سے 13 ہزار سے 22 ہزار درہم تک ہوسکتی ہے۔