پاکستانی مولا جٹ بھی پب جی پر دستیاب، ویڈیو دیکھیں

معروف آن لائن جنگی گیم پب جی بھی پاکستانی مولا جٹ سے متاثر ہوگیا۔

تفصیلات کے مطابق آن لائن گیم پب جی نے حال ہی میں نئے فیچرز متعارف کرائے ہیں۔

اس بار پب جی نے پاکستان میں مشہور کردار ’مولا جٹ‘ کے کردار گنڈاسے کو بھی شامل کیا ہے۔ یعنی کھلاڑی اب پستول کے ساتھ گنڈاسے سے بھی مقابلہ کرسکیں گے۔

واضح رہے کہ پب جی گیم دو ٹیموں کے مابین کھیلا جاتا ہے جس میں ایک ٹیم میں زیادہ سے زیادہ کھلاڑی ہوتے ہیں، اس میں سب پہلے ٹیمیں ہیلی کاپٹر سے زمین پر اتر کر اسلحہ اور ایمونیشن تلاش کرتی اور پھر دشمن سے لڑتی ہیں۔

آخر میں بچ جانے والے کھلاڑی کو اعزاز کے طور پر پوائنٹس کے ساتھ چکن ڈنر دیا جاتا ہے جبکہ اُس کی پروفائل پر بھی اس کو شامل کیا جاتا ہے۔