شعیب ملک کا دوسری خواتین سے میل ملاپ، بیٹی نے خلع لی، والد ثانیہ مرزا

ثانیہ مرزا کے والد نے اپنے سابق داماد کی دوسری شادی پر ردعمل دیتے ہوئے دونوں کے درمیان علیحدگی کی تصدیق کردی اور بتایا ہے کہ بیٹی نے خلع لیا تھا۔

بھارتی میڈیا سے گفتگو مین ثانیہ مرزا کے والد عمران مرزا نے کہا کہ "یہ خلع ہے اور ایک مسلمان عورت اپنے شوہر سے یکطرفہ امور پر طلاق لینے کا شرعی حق رکھتی ہے"۔

بھارتی میڈیا نے مرزا کے فیملی ذرائع کے حوالے سے لکھا کہ "شعیب ملک کے دوسری خواتین کی طرف جھکاؤ اور بڑھتے ہوئے تعلقات پر ثانیہ مرزا خوش نہیں تھیں، انہوں نے کافی عرصے تک ان سب کو نظر انداز کیا اور پھر صبر کا پیمانہ لبریز ہونے پر علیحدگی کا فیصلہ کیا۔

واضح رہے کہ ثانیہ اور شعیب کے درمیان 2010 میں شادی ہوئی اور پھر دونوں کے ہاں بیٹے اذلان کی پیش ہوئی۔