"سجل علی نے فضول باتیں کرنا شروع کردی ہیں"

معروف پاکستانی اداکارہ سجل علی نے سوشل میڈیا پر وائرل ہونے والی ویڈیو میں اپنی پسندیدہ شخصیت کا انکشاف کردیا۔

سجل علی کو اُن کی اداکاری کی وجہ سے لاکھوں مداح پسند کرتے ہیں جبکہ انہیں ہالی ووڈ انڈسٹری میں بھی پروجیکٹ مل چکے ہیں۔

سجل علی کا یہ بھی دعوی ہے کہ انڈسٹری میں اُن کا کوئی بھی بہترین دوست نہیں ہے۔

اداکارہ نے اپنے انسٹاگرام اکاؤنٹ پر ایک ویڈیو شیئر کی جس میں وہ کرینہ کپور کی نقل کررہی ہیں۔

اس ویڈیو کے ساتھ اداکارہ نے اپنی پسندیدہ اداکارہ کا نام بھی بتایا اور شاید آپ یہ سمجھ رہے ہوں گے کہ سجل کی پسندیدہ اداکارہ کرینہ ہے مگر آپ کا اندازہ غلط ہے۔

سجل نے لکھا کہ اُن کی پسندیدہ اداکارہ وہ خود ہی ہیں۔

صارفین نے جہاں اداکارہ کو اپنی تعریفیں کرنے پر تنقید کا نشانہ بنایا وہیں کچھ لوگوں نے ان کی تعریف بھی کی اور انہیں بہترین اداکارہ قرار دیتے ہوئے لکھا کہ اپنے بارے میں آگاہی رکھنا اچھی چیز ہے۔

کچھ صارفین نے تبصرہ کیا کہ سجل علی پہلے اچھی باتیں کرتی تھیں لیکن اب انہوں نے بھی دیگر اداکاروں کی طرح فضول باتیں کرنا شروع کر دی ہیں۔