عمران خان کی کارکنان کو پرامن احتجاج کی ہدایت

پاکستان تحریک انصاف کے بانی چیئرمین نے پارٹی امیدواروں اور کارکنوں کو ہدایت کی ہے کہ وہ انتخابی نتائج حق میں آنے تک اپنے علاقوں میں مظاہرہ کریں۔

پی ٹی آئی کے وکلا اور پارٹی رہنماؤں نے اڈیالہ میں عمران خان سے ملاقات کی، بعد ازاں میڈیا سے گفتگو کرتے ہوئے انہوں نے کہا کہ بانی چیئرمین نے پوری قوم کو تاریخی فتح پر مبارک باد دی ہے۔

انہوں نے کہا کہ عمران خان کے مطابق ہم 180 سے زائد نشستیں جیت چکے ہیں، مگر دھاندلی کر کے انہیں کم کیا گیا۔

بیرسٹر عمر کے مطابق پی ٹی آئی پنجاب اور خیبرپختونخوا میں سادہ اکثریت کے ساتھ حکومت بنائے گی، یہ ہدایت بھی عمران خان نے کی ہے۔