عمران خان کی ٹرمپ کو کامیابی پر مبارکباد، رہائی کے سوال پر کیا کہا؟

پاکستان تحریک انصاف (پی ٹی آئی) کے بانی عمران خان نے ڈونلڈ ٹرمپ کو امریکی صدارتی انتخابات میں کامیابی پر مبارکباد دی ہے۔

اڈیالہ جیل میں صحافیوں اور وکلا سے بات چیت کے دوران، عمران خان نے کہا کہ ڈونلڈ ٹرمپ صدر بائیڈن کے برعکس غیر جانبدارانہ موقف اپنائیں گے۔

پاکستان تحریک انصاف کے سربراہ عمران خان نے کہا کہ ان کی رہائی پاکستان سے ہی ہوگی، جس میں غیر ملکی مدد کی ضرورت نہیں پڑے گی۔

عمران خان نے قید میں اپنی دو غلطیوں کا اعتراف کیا، پہلے یہ کہ آرمی چیف کے طور پر جنرل باجوہ کی مدت ملازمت کو طول دینا اور نئے انتخابات پر زور دینے کے بجائے ایک کمزور مخلوط حکومت کا انتخاب کرنا۔

عمران خان نے پاکستان کے سیاسی ماحول کے حوالے سے ایک سنگین صورتحال کی عکاسی کرتے ہوئے کہا کہ جمہوریت محض ایک چہرہ ہے۔

انہوں نے دعویٰ کیا کہ پاکستان میں میڈیا کی مکمل سنسرشپ ہے، اور اس بات پر زور دیتے ہوئے کہ ان کے ریمارکس اخبارات میں نہیں چھاپے ماتے، انہوں نے الزام لگایا کہ حکومت نے آئینی ردوبدل کے ذریعے سپریم کورٹ کا کنٹرول چھین لیا ہے ۔

انہوں نے چیف الیکشن کمشنر اور سابق چیف جسٹس قاضی فائز عیسی پر پی ٹی آئی کے مینڈیٹ کو چوری کرنے میں سہولت کاری کا الزام عائد کیا، اور الزام لگایا کہ انہوں نے پی ٹی آئی کو شکست دینے کی سازش کی۔