پاکستان میں عید کا چاند نظر آگیا

رویت ہلال کمیٹی نے ملک کے مختلف علاقوں سے موصول ہونے والی شہادتوں کے بعد ملک میں ماہ شوال 1445 ہجری کا چاند نظر آنے کا اعلان کردیا۔

ملک میں شوال المکرم (عید الفطر) کا چاند دیکھنے کے لیے مرکزی رویت کمیٹی کا اجلاس چیئرمین مولانا عبدالخبیر آزاد کی زیرصدارت اسلام آباد میں ہوا۔

اجلاس میں رویت ہلال کمیٹی کی معاونت کے لیے محکمہ موسمیات، سپارکو، سائنس اور ٹیکنالوجی کے حکام بھی شریک ہوئے۔

کراچی، کوئٹہ، پشاور، لاہور میں رویت ہلال کی زونل کمیٹیوں کے اجلاس ہوا۔

کراچی، پنجاب، پشاور، مردان، وزیرستان سمیت ملک کے مختلف علاقوں سے چاند نظر آنے کی شہادات موصول ہوئیں جس پر رویت ہلال کمیٹی نے 10 اپریل کو عید الفطر منانے کا اعلان کیا۔