عید الاضحی کا چاند دیکھنے کیلیے رویت ہلال کمیٹی کا اجلاس طلب

رویت ہلال کمیٹی نے ذی الحجۃ 1445 ہجری کا چاند دیکھنے کے لیے اجلاس طلب کرلیا۔

مرکزی رویت ہلال کمیٹی کا مرکزی اجلاس 7 جون بروز جمعے کو کراچی میں منعقد ہوگا۔ اس کے علاوہ زونل رویت ہلال کمیٹیوں کے اجلاس پشاور، اسلام آباد، لاہور، کوئٹہ سمیت دیگر مقامات پر ہوں گے۔

واضح رہے کہ ملک میں 7 جون بروز جمعہ 29 ذیقعد ہوگی اور اسی روز ذی الحج کا چاند نظر آنے کی صورت میں ملک میں 8 جون بروز ہفتہ یکم ذی الحج اور 17 جون بروز پیر عیدالاضحیٰ ہوگی۔