بنوں بڑی تباہی سے بچ گیا

خیبرپختونخوا کے ضلع بنوں میں پولیس نے بڑی تباہی کا منصوبہ ناکام بنادیا۔

پولیس کے مطابق بنوں کے علاقے بکا خیل میں مشکوک گاڑی کی موجودگی کی اطلاع پر پولیس کی گاڑی پہنچی تو اُس کو چلانے والا شخص فرار ہوگیا۔

پولیس نے فرار ہونے والے شخص پر فائرنگ بھی کی تاہم وہ بچ نکلا اور موقع سے بھاگ گیا۔ گاڑی کی چیکنگ کرنے پر کار سے پلاسٹک کے دو ڈرم برآمد ہوئے جس میں بارودی مواد نصب تھا۔

پولیس نے فوری طور پر بم ڈسپوزل اسکواڈ کو موقع پر طلب کیا جنہوں نے اقدامات کر کے بارود سے بھرے ڈرموں کو ناکارہ بنادیا، پولیس کے مطابق ڈرموں میں تقریبا 300 کلو بارودی مواد نصب تھا، جس سے بڑی تباہی پھیل سکتی تھی۔