بس کھائی میں گرنے سے 29 افراد جاں بحق

کہوٹہ سے راولپنڈی آنے والی مسافر بس کو خوفناک حادثے کے باعث 29افراد جاں بحق جبکہ ایک شخص شدید زخمی ہوگیا۔

رپورٹس کے مطابق مسافر بس کو حادثہ پانہ پل کے قریب پیش آیا تاہم حادثے کی وجوہات کے حوالے سے ابھی تک معلومات حاصل نہیں ہوسکی ہیں۔

ذرائع کے مطابق پہاڑی علاقہ ہونے کے باعث مقامی افراد نے اپنی مدد آپ کے تحت لاشوں اور زخمیوں کو بس سے نکالا۔

وزیراعلی پنجاب مریم نواز نے کہوٹہ کے قریب بس کھائی میں گرنے سے قیمتی انسانی جانوں کے ضیاع پراظہار افسوس کرتے ہوئے سوگوار خاندانوں سے اظہار ہمدردی و تعزیت کیا ہے۔

ایس ایچ او تھان کہوٹہ کے مطابق بس حادثہ آزاد پتن روڈ اولہاڑ پل کے قریب پیش آیاہے، حادثہ جہاں پر پیش آیا ہے یہ کہوٹہ کی حدود ہے،کہوٹہ میں حادثے کی جگہ پولیس، ریسکیو اور انتظامیہ موجود ہے۔