ڈی آئی خان کیمپ پر حملے میں 10 اہلکار شہید

خیبر پختونخوا کے ضلع ڈیرہ اسماعیل خان میں دہشت گردوں نے تھانے پر حملہ کر کے 10 پولیس اہلکاروں کو قتل کر دیا ہے۔

پولیس حکام کے مطابق دہشت گردوں نے اتوار کو رات گئے ڈیرہ اسماعیل خان کی تحصیل درابن میں واقع تھانہ چودہوان پر حملہ کیا۔

رات 3 بجے کے قریب دہشتگردوں کے حملے میں پولیس کے 10 جوان مارے گئے جبکہ 6 زخمی ہو گئے ہیں۔

شہید ہونیوالوں میں محمد اسلم، غلام فرید، محمد جاوید، محمد ادریس، محمد عمران، منصور، اے ایس ائی کوثر ایلیٹ فورس، احترام ایلیٹ فورس، رفیع اللہ ایلیٹ فورس، حمید الحق ایلیٹ فورس شامل ہیں جبکہ زخمیوں کی شناخت احمد حسین، اکبر زمان، عنایت اللہ، سہراب خان، ابراہیم اور نصیب خان کے ناموں سے ہوئی۔