گرمی کے باعث موسم گرما کی تعطیلات میں 14 اگست تک توسیع

محکمہ تعلیم سندھ نے موسم کی صورتحال کے پیش نظر صوبے میں موسم گرما کی تعطیلات 14 اگست تک بڑھانے کا فیصلہ کیا ہے۔

وزیر تعلیم سندھ سید سردار علی شاہ کی ہدایت پر محکمہ تعلیم نے نوٹیفکیشن جاری کردیا۔

صوبائی وزیر تعلیم نے اپنے بیان میں کہا کہ گرمی کی شدت اور شدید برسات کے امکان کو نظر میں رکھتے ہوئے تعطیلات میں اضافہ کا فیصلہ  کیا گیا ہے، اسکولوں میں 14 اگست کے حوالے سے سرگرمیوں اور ہم نصابی سرگرمیوں کو جاری رکھا جائے گا اور تمام نجی و سرکاری اسکولز جشن آزادی کے حوالے سے پروگرامز منعقد  ہوں گے۔

انہوں نے بتایا کہ تعطیلات کے بعد سندھ میں نیا تعلیمی سال 15 اگست سے شروع ہوگا۔