لاہور میں دوران نماز 60 سالہ بزرگ کی روح پرواز کرگئی

پنجاب کے دارالحکومت لاہور کے علاقے گلشن راوی میں دوران نماز 60 سالہ بزرگ حرکت قلب بند ہونے سے انتقال کرگئے۔

پولیس کے مطابق متوفی کے دل کی دھڑکن باجماعت نماز کی ادائیگی کے دوران بند ہوئیں اور پھر وہ دھڑام سے نیچے گر گئے۔

سلام پھرنے کے بعد جب دیگر نمازیوں نے انہیں چیک کیا تو کوئی جواب نہ ملا جس پر ریسکیو 1122 کو طلب کر کے انہیں اسپتال منتقل کیا گیا۔

اسپتال میں ڈاکٹرز نے معائنے کے بعد تصدیق کی کہ بزرگ نمازی (سلطان ) انتقال کرگئے ہیں اور ان کی دل کی دھڑکن بند ہوئے 30 منٹ سے زائد کا وقت گزر چکا ہے۔ بزرگ کے اچانک انتقال پر اُن کے اہل خانہ شدت غم سے نڈھال ہوگئے۔

پولیس نے ضابطے کی کارروائی کے بعد لاش لواحقین کے حوالے کردی۔