ماہ رنگ بلوچ کے کیمپ میں جانے والوں پر شرم آتی ہے، جان اچکزئی

بلوچستان کے نگراں وزیر اطلاعات جان اچکزئی نے ایک بار پھر بلوچ یکجہتی کونسل کے اسلام آباد میں ہونے والے دھرنے سے اظہار ہمدردی کرنے والوں کو آڑے ہاتھوں لے لیا۔

کوئٹہ میں میڈیا سے گفتگو کرتے ہوئے جان اچکزئی نے بتایا کہ اسلام آباد میں شہدا فاؤنڈیشن بلوچستان کا بھی احتجاجی کیمپ لگایا گیا ہے جہاں لوگ اپنے پیاروں کے خون کا انصاف مانگ رہے ہیں۔

انہوں نے کہا کہ مجھے شرم آتی ہے ان لوگوں پر جو ماہ رنگ بلوچ کے کیمپ میں جاتے ہیں اور شہدا بلوچستان کے کیمپ میں نہیں جاتے، بلوچستان کے شہداء کے خاندانوں کے ساتھ اظہار یکجہتی ان کا حق ہے۔

جان اچکزئی نے کہا کہ دہشت گردی کی سہولت کاری کرنے والے کبھی بلوچستان کو پروموٹ نہیں کر سکتے۔