مہنگی بجلی، ٹیکسز کے خلاف جماعت اسلامی کا دھرنا ختم

جماعت اسلامی کے امیر نے راولپنڈی سمیت ملک بھر سے دھرنا ختم کرنے کا اعلان کردیا۔

حکومتی کمیٹی سے مذاکرات کے پانچویں دور کے بعد حافظ نعیم نے میاں اسلم اقبال کی رہائش گاہ پر میڈیا سے گفتگو میں کہا کہ ہم نے دھرنا موخر کیا ہے، اس کے بعد ایکسپریس وے پر یوم تشکر کیلیے بڑا جلسہ منعقد کیا جائے گا۔

ان کا کہنا تھا کہ حکومت اور جماعت اسلامی کے درمیان ایک کمیٹی بنی ہے، جو تیس روز میں بجلی بلوں پر نظر ثانی کرے گی، اگر کوئی پیشرفت نہ ہوئی تو لاہور، پشاور اور کراچی میں پھر سے احتجاج کریں گے۔